د کانکرېټو کششي مقاومت

د کانکرېټو کششي مقاومت

کانکرېټ د فشاري مقامت سربېره د پام وړ کششي مقاومت هم لري چې د فشاري مقاومت د (۸-۱۵) سلنه پورې قيمت اخلي. د ځينو اخځليکونو له مخې، د کانکرېټو کششي مقاومت د (۸-۹) سلنه پورې د فشاري مقاومت قيمت دی.

د کانکرېټو کششي مقاومت د کانکرېټو په مارک او جوړيدونکو اجزأو پورې اړه لري؛ يانې څومره چې د کانکرېټو مارک لوړ وي په همغه اندازه يې کششي مقاومت هم زيات دی.

ددې لپاره چې د کانکرېټو کششي مقاومت مو لاسته راوړی وي نو د سپلېټ سلنډر (Split Cylinder Test) او (Modulus of fracture) ازموينو په واسطه يې کولای شو چې لاسته راوړو.

الف: Modulus of Rupture Test:

ددې ازموينې د ترسره کولو لپاره د ساده کانکرېټو (6x6x30) انچو بيم باندې ترسره کېږي. ددغې بيم 1/3د ټول اوږدوالي دواړو اړخونو ته د ساده اتکايز اتکاؤ باندې قواؤې واردؤ. قواؤ ته په تدريجي ډؤل زياتوالۍ ورکوو تر هغې چې نمونه کې کرېکونه ښکاره شي. دغه داسې ازموینه ده چې لرغوني مخينه له خپل ځانه سره لري.

د واردې قوې د ياداشت کولو څخه وروسته د لاندې فرمول څخه کششي مقاومت د نمونې پيدا کوو:

Fr = P*L/b*h²

پورته فرمول کې P-وارده قوه، L-د نمونې اوږدوالۍ، b-د نمونې عرض او h-د نمونې ارتفاع ده.

همدا شان کولای شو چې د لاندې تجربوي فرمول څخه هم استفاده وکړو: 

Fr = 0.7 √fck, [MPa]

ب: Split-Cylider Test:

د کششي مقاومت د لاسته راوړلو لپاره يؤ د سلنډري نمونې ازموينه هم ده. دغه ازموينه کې يؤه سلنډري نمونه را اخيستل کېږي او په تدريجي ډؤل په ټول اوږدوالي منظم ويشلی بار واردؤ. وروسته د قوې د واردولو څخه ګورو چې نمونه په منځنۍ برخه د نمونې د اوږدوالي کې ماتيږي، دغې ماتيدنې ته split-cylinder test وايي. د لاندې فرمول په مرسته کولای شو چې د سلنډري طريقې کششي مقاومت په لاس راوړو:

Ft = 2P/πLD

پورته فرمول کې P وارده قوه، L د نمونې اوږدوالۍ او D د نمونې قطر را ښايي.

ژباړه او ليکونکی: رحمن الله رحماني

loading...