په ساختماني ساحه کې ځینې تیروتنې، چې هیڅکله باید ترسره نشي.

په ساختماني ساحه کې ځینې تیروتنې، چې هیڅکله باید ترسره نشي.
1.  هیڅکله باید په اوسپنیزکانکریټي پایو او بیمانو کې د برق او اوبه رسونې پایپونه تیر نکړل شي، دا تیروتنه د نوموړۍ ساختماني عضوې مقاومت د کشش په مقابل کې په لوړه کچه راټیټوي.
2. د کانکريټ ریزۍ په دوران کې باید هیڅکله کانکريټ له یوې نیمې مترې لوړې ساحې څخه راونه غورځول شي، دغه چاره د کانکریټو د اجزاءوو د بیلوالي(سګریګیشن) سبب ګرځي.
3. په سلبونو کې د سیخانو قطر باید له 12mm څخه کوچنی نشي.
4. د هیڅ یوې ساختماني عضوې څخه، که وایه هر څومره کوچنۍ وي قالبونه یې باید له دریو ورځو مخکې خلاص نشي، البته دلته له قالبونو مراد هغه تختې دي چې د یوې کانکریټي عضوې په تحتاني برخه کې نصب شوی وي،
5. د یو ساختماني عنصر(پایه،بیم،سلب او وغیره) کې تر 32mm متره پورې سیخان Over lapp کولی شو، خو که د سیخ قطر له ده څخه لوړیږي، باید ولډنګ شي.
6. په یوه ساختماني عضوه کې د سیخانو د Over Lapp اندازه باید د 50% څخه اضافه نشي، ددې خبرې څخه مطلب دادی، مثلاً که په یوه بیم کې 8 دانې سیخان پکار وړل شوي،داسې نشي چې له څلورو ډیر تعداد سیخان  یې Over Lapp شوي وي، باید له څلورو څخه یې شمیر زیات نشي.ځکه د ټولو یا د  50% څخه د زیات تعداد سیخانو Over Lapp کول ساختماني عضوه له خطر سره مواجه کوي.
7. په بیم، پایه او سلبونو کې د کانکریټو مارک باید په هیڅ صورت له دوه سوه (M20) څخه کوچنی نشي، چې نسبتونه یې 1:1.5:3 دی.
8. په کانکريټو کې د اوبو او سیمنټو نسبت ته پام کول هم یوه اساسي موضوع ده، چې باید د M20 مارک کانکريټو لپاره دغه نسبت د 0.45 په حدودو کې وساتل شي.
9. په دایروي پایو کې د سیخانو تعداد باید په هیڅ صورت له شپږو کم نشي.
د سلبونو ضخامت باید له 12.5cm څخه کوچنۍ نشي.