بیم (ګاډر): هره کانکریټي وداني دڅو عناصرو له یو ځای کیدو څخه جوړیږي چي یو دهغو له جملي څخه بیم (ګاډر) ده. هر عنصر خپله مشخصه دنده تر سره کوي، بیم د خپل وزن په شمول دچت (سلب) ټول وزنونه برداشت کوي او بیا یي ستنو (پایو) ته انتقالوي. تیرونه باید په درست ډول (د انحنای مومنټ، عرضي قوي، او تاوښت) په مقابل کي ډیزاین شي. داچي په شخصي کارونو کي ډیزاین او نقشي نه وي موجودي وي نو باید د کار داجرا لپاره حد اقل د اینجنیری اصولو په اساس ورکړل شوي اصغري ارقام د سیخ د قطر او کانکریټو د مارک لپاره مراعات شي. لاندي نقاط باید په نظر کي ونیول شي
１- سیخ باید په هغه ځای کي ځای پر ځای شي چیرته چي ورته ضرورت وي مثلا د( دانحنایی مومنت لپاره سیخ د بیم په وایه کي[ منځنی برخه کي] او دمنفي مومنټ لپاره سیخ د بیم په اتکا یی برخه کي ضرورت وي).
２- کژدمکونه د عرضي قوي لپاره په بیم کي اچول کیږي. عرضي قوه د خارجي بارونو له امله په بیمونو کي فشاري ما توالي مینځ ته راوړي چي ډیر خطرناک ماتوالی ده. عرضي قوه د بیم په اتکایی برخه کي اعظمي، او په منځنی برخه یا وایه کي اصغري (صفر) ده. ګژدمکونه مهم وظایف سرته رسوي: د عرضي قوي یوه زیاته برخه زغمي، دمایلو درزونو د انکشاف مخنیوي کوي، د اوږدو سیخانود کږیدو او بیځایه کیدو مخنیوي کوي، دفشار لاندي د کانکریټو د پیاوړي کیدو سبب ګرځی. نو په دی اساس باید په مناسب ځای کي په مناسبه اندازه ځای پر ځاي شي.
３- دلوړ مارک لرونکي کانکریټ با ید استعمال شي. سمنټ باید تازه وي، ریګ، جغل (ښه درجه بندي ولري) او اوبه باید پاکي وي. دا چي په ساختمان کي ګاډر خاص اهمیت لري باید کانکریټ ورته په مکسر جوړ شي، که بیا هم څوک سختي کوي او کانکریټ د لاس په واسطه جوړوي نو باید ۱۰٪ سمنټ اضافه په مکس کي واچول شي.
４- فولاد باید دزنګ څخه پاک وي او په درست ډول ځاې پر ځاې شي،سیخان باید په قالب سریښ نه وي، دسیخونو دقاتولو او یاهم کږولو لپاره باید سټنډرډونه په نظر کي ونیول شي.
５- قالب بندي باید په درست ډول اجراشي، او په کافي اندازه قوي وي، تختي باید درزونه او سوری ونلری څو د کانکریټو شیره او اوبه ورڅخه لاړي نشي، ګاډر باید له پایه څخه خارج نشي.
６- دسلب او بیم کانکریټ باید له يوه طرفه شروع شي داسي نه چي دکار داسانتیا لپاره اول بیمونه ډک شي او بیا سلب.
７- کانکریټ باید دلړزونکي ماشین په واسطه تخته شي څو کانکریټ دقالب ټولو برخو ته په صحیح ډول سره ورسیږي، کیورینګ یا باید حد اقل د ۱۴ ورځو لپاره وشي
８- دقالب لری کیدلو وخت د بیم لپاره له ۴.۵ نه تر ۱۴ ورځو پوری او که چیرته دبیم وایه له (۶-۸) متره وي باید له ۲۱ نه تر ۲۸ ورځو وروسته خلاص شي
د الوتکې جوړښت Aircraft – الوتکه د هوا په ملاتړ الوت کوونکې تنې ته الوتکه وایي. د جاذبې له قوې څخه د خلاصون لپاره د اېرفوېل ډاینامیک لفټ او یا ستاتیک لفټ کاروي، ځینې حالتونو کې جېټ ماشین څخه لاندې لور ته فشار کاروي. د الوتکې بېلګې بالون، ایرو ستات، هوایي بېړۍ، پاراموټور او ګلایډرونه دي. هوا کې د الوتنې فعالیت یا مسلک ته (aviation) وایي او ساینس ته یې (aeronautics) نوم اخلي په دې ساینس کې د الوتکو طرحه کولو او جوړونه مطالعه کیږي. Empennage – د الوتکې لکۍ په انګرېزۍ کې د الوتکې لکۍ ته (tail or tail assembly) نومونه هم اخلي. د الوتکې په وروسته برخه کې یو جوړښت دی, د الوتنې پر وخت په الوتکه کې ثبات رامنځته کوي لکه په غشي کې د غشي لکۍ د غشي په سیده تګ کې مرسته کوي او هوا نه پرېږدي چې د غشي لوری کوږ کړي یا انحراف ورکړي همداسې د الوتکې لکۍ په الوتکه کې ورته رول لري. د (Empennage) لفظ د فرانسوۍ ژبې له (empenner) څخه اخیستل شوی او مانا یې د غشي په پای یا لکۍ کې د لکۍ په توګه بڼکې نصب کول دي. ډېرې الوتکې په لکۍ کې عمودي او افقي برخې لري، یادې برخې د ثبات رامنځته کوون...
Comments
Post a Comment