Difference between Afghanistan and European schools د افغانستان او اروپا د ښونځیو تر منځ توپیر

اروپا کې د درس د غلطۍ، مکتب ته د ناوخته راتګ او داسې نورو حالتونو پر وخت کې استاد پخپله شاګرد ته بهانه پیدا کوي، شاګرد ته وایي، ته خو ډېر تکړه یې، شاید کوم بل څیز ډېر مصروف کړی وې چې نن ورځ درس کې غلط شوې، ته خو هیڅکله ناوخته نه راځې، تېره شپه شاید ستړی شوی وې او نن د همغه له امله ناوخته راویښ شوې او داسې نور..... خو په افغانستان کې شاګرد ته وایي، ټنبله ته هر وخت درس کې غلطي کوې، خیرنه ته خو هر وخت ناوخته راځې او بعضې استادان لا د لښتې له وهلو هم استفاده کوي، له دا ډول عمل ځنې وروسته د شاګرد مثبته انګیزه، جرئت او پر ځان ډاډ له پخوا لس برابره نور هم راکم شي او مکتب سره سمه دښمني شروع کړي.
همدا علت دی چی په غربیانو کې مخترع ډېر او زمونږ ترمینځ کم دي.